શ્રીકૃષ્ણાશ્રયઃ
છંદ : અનુષ્ટુપ્
(શ્રી કૃષ્ણાશ્રય ગ્રંથનો પાઠ શ્રીપ્રભુની સન્મુખ કરવો)
સર્વ માર્ગેષુ નષ્ટેષુ, કલૌ ચ ખલધર્મિણિ ।
પાખંડ પ્રચુરે લોકે, કૃષ્ણ એવ ગતિર્મમ ॥૧॥
મ્લેચ્છાક્રાન્તેષુ દેશેષુ, પાપૈકનિલયેષુ ચ ।
સત્પીડાવ્યગ્રલોકેષુ, કૃષ્ણ એવ ગતિર્મમ ॥૨॥
ગંગાદિ તીર્થવર્યેષુ, દુષ્ટૈરેવાવૃતેષ્વિહ ।
તિરોહિતાધિદૈવેષુ, કૃષ્ણ એવ ગતિર્મમ ॥૩॥
અહંકાર વિમૂઢેષુ, સત્સુ પાપાનુવર્તિષુ ।
લાભ પૂજાર્થ યત્નેષુ, કૃષ્ણ એવ ગતિર્મમ ॥૪॥
અપરિજ્ઞાનનષ્ટેષુ મંત્રેષ્વવ્રતયોગિષુ ।
તિરોહિતાર્થદેવેષુ, કૃષ્ણ એવ ગતિર્મમ ॥૫॥
નાનાવાદવિનષ્ટેષુ, સર્વકર્મવ્રતાદિષુ ।
પાષંડૈકપ્રયત્નેષુ, કૃષ્ણ એવ ગતિર્મમ ॥૬॥
અજામિલાદિદોષાણાં, નાશકોનુભવે સ્થિતઃ ।
જ્ઞાપિતાખિલમાહાત્મ્યઃ કૃષ્ણ એવ ગતિર્મમ ॥૭॥
પ્રાકૃતાઃ સકલા દેવા, ગણિતાનન્દકં બૃહત્ ।
પૂર્ણાનંદો હરિસ્તસ્માત્, કૃષ્ણ એવ ગતિર્મમ ॥૮॥
વિવેકધૈર્ય-ભક્ત્યાદિ-રહિતસ્ય વિશેષતઃ ।
પાપાસક્તસ્ય દીનસ્ય, કૃષ્ણ એવ ગતિર્મમ ॥૯॥
સર્વ સામર્થ્યસહિતઃ, સર્વત્રૈવાખિલાર્થકૃત્ ।
શરણસ્થસમુદ્ધારં, કૃષ્ણં વિજ્ઞાપયામ્યહમ્ ॥૧૦॥
કૃષ્ણાશ્રયમિદં સ્તોત્રં, યઃ પઠેત્ કૃષ્ણસન્નિધૌ ।
તસ્યાશ્રયો ભવેત્ કૃષ્ણ, ઇતિ શ્રીવલ્લભોબ્રવીત્ ॥૧૧॥
॥ ઇતિ શ્રીમદ્વલ્લભાચાર્યવિરચિતં કૃષ્ણાશ્રય સ્તોત્રં સંપૂર્ણમ્॥