શ્રી નંદકુમારાષ્ટકમ્

રાગ : લાવણ્ય, છંદ : મિશ્ર

સુંદર ગોપાલં ઉરવનમાલં નયન વિશાલં દુઃખ હરં,

વૃન્દાવન ચંદ્રં આનંદકંદં પરમાનંદં ધરણીધરમ્ ॥

વલ્લભ ઘનશ્યામં પૂર્ણકામં અત્યભિરામં પ્રીતિકરં,

ભજનંદકુમારં સર્વસુખસારં તત્ત્વ વિચારં બ્રહ્મપરમ્ ॥૧॥

સુંદર વારિજવદન નિર્જિત મદન આનંદ સદન મુકુટધરં,

ગુંજાકૃતિહારં વિપિનવિહારં પરમોદારં ચીરહરમ્ ॥

વલ્લભ પટપીતં કૃત ઉપવીતં કર નવનીત વિબુધવરં,

ભજનંદકુમારં સર્વસુખસારં તત્ત્વ વિચારં બ્રહ્મપરમ્ ॥૨॥

શોભિત સુખમૂલં યમુનાકૂલં નિપટ અતૂલં સુખદ વરં,

મુખ મંડિત રેણું ચારિત ધેનું વાદિત વેણું મધુર સુરમ્ ॥

વલ્લભ મતિ વિમલં શુભપદ કમલં, નખરુચિ વિમલં તિમિર હરં,

ભજનંદકુમારં સર્વસુખસારં તત્ત્વ વિચારં બ્રહ્મપરમ્ ॥૩॥

શિર મુકુટ સુદેશં કુંચિત કેશં નટવર વેષં કામવરં,

માયાકૃત મનુજં હલધર અનુજં પ્રતિહતદનુજં ભારહરમ્ ॥

વલ્લભ વ્રજપાલં સુભગ સુચાલં હિતમનુકૂલં ભાવ વરં,

ભજનંદકુમારં સર્વસુખસારં તત્ત્વ વિચારં બ્રહ્મપરમ્ ॥૪॥

ઈન્દીવરભાસં પ્રકટ સુરાસં કુસુમ વિકાસં વંશિધરં,

હિત મન્મથ માનં રૂપ નિધાનં કૃતકલગાનં ચિત્તહરમ્ ॥

વલ્લભ મૃદુ હાસં કુંજ નિવાસં વિવિધ વિલાસં કેલીકરં,

ભજનંદકુમારં સર્વસુખસારં તત્ત્વ વિચારં બ્રહ્મપરમ્ ॥૫॥

અતિ પરમ પ્રવિણ પાલિતદીનં ભક્તાધીનં કર્મ કરં,

મોહનમતિ ધીરં ફણિ બલવીરં હત પરવીરં તરલ તરમ્ ॥

વલ્લભ વ્રજ રમણં વારિજ વદનં જલધર શમનં શૈલધરં,

ભજનંદકુમારં સર્વસુખસારં તત્ત્વ વિચારં બ્રહ્મપરમ્ ॥૬॥

જલધર દ્યુતિ કાયં લલિત ત્રિભંગં બહુ કૃત રંગં રસિકવરં,

ગોકુલ પરીવારં મદનાકારં કુંજ વિહારં ગૂઢતરમ્ ॥

વલ્લભ વ્રજચંદ્રં સુભગસુછંદં પરમાનંદં ભ્રાંતિહરં,

ભજનંદકુમારં સર્વસુખસારં તત્ત્વ વિચારં બ્રહ્મપરમ્ ॥૭॥

વંદિત યુગ ચરણં પાવનકરણં જગદુદ્ધરણં વિમલધરં,

કાલિય શિર ગમનં કૃતફણિ નમનં ઘાતિતયમનં મૃદુલ તરમ્ ॥

વલ્લભ દુઃખ હરણં નિર્મલ ચરણં અશરણ શરણં મુક્તિ કરં,

ભજનંદકુમારં સર્વસુખસારં તત્ત્વ વિચારં બ્રહ્મપરમ્ ॥૮॥

॥ ઇતિ શ્રીમદ્ વલ્લભાચાર્ય વિરચિતં નંદકુમારાષ્ટકં સંપૂર્ણમ્ ॥