શ્રી યમુનાષ્ટકમ્
નમામિ યમુનામહં, સકલ સિદ્ધિ હેતું મુદા
મુરારિ પદ પંકજ-સ્ફુરદમન્દ રેણૂત્કટામ્ ।
તટસ્થ નવ કાનન - પ્રકટ મોદપુષ્પામ્બુના
સુરાસુરસુપૂજિત-સ્મરપિતુઃશ્રિયં બિભ્રતીમ્ ॥૧॥
કલિન્દ ગિરિ મસ્તકે, પતદમન્દ પૂરોજ્જ્વલા
વિલાસગમનોલ્લસત્ - પ્રકટગણ્ડશૈલોન્નતા ।
સઘોષગતિદન્તુરા, સમધિરૂઢદોલોત્તમા
મુકુન્દરતિવર્ધિની, જયતિ પદ્મ બન્ધોઃ સુતા ॥૨॥
ભુવં ભુવન પાવની-મધિગતામનેકસ્વનૈઃ
પ્રિયાભિરિવ સેવિતાં, શુકમયૂરહંસાદિભિઃ ।
તરંગ ભુજ કંકણ-પ્રકટ મુક્તિકાવાલુકા
નિતમ્બતટસુન્દરી, નમત કૃષ્ણ તુર્ય પ્રિયામ્ ॥૩॥
અનન્તગુણભૂષિતે, શિવવિરંચિદેવસ્તુતે
ઘનાઘનનિભે સદા, ધ્રુવપરાશરાભીષ્ટદે ।
વિશુદ્ધમથુરાતટે, સકલ ગોપ ગોપી વૃતે
કૃપાજલધિ સંશ્રિતે, મમ મનઃ સુખં ભાવય ॥૪॥
યયા ચરણ પદ્મજા, મુરરિપોઃ પ્રિયં ભાવુકા
સમાગમનતો ભવત્, સકલ સિદ્ધિદા સેવતામ્ ।
તયા સદૃશતામિયાત્, કમલજા સપત્નીવ યત્
હરિપ્રિયકલિન્દયા, મનસિ મે સદા સ્થીયતામ્ ॥૫॥
નમોસ્તુ યમુને સદા, તવ ચરિત્રમત્યદ્ભુતં
ન જાતુ યમયાતના, ભવતિ તે પયઃ પાનતઃ ।
યમોપિ ભગિની સુતાન્, કથમુ હન્તિ દુષ્ટાનપિ
પ્રિયો ભવતિ સેવનાત્, તવ હરેર્યથા ગોપિકાઃ ॥૬॥
મમાસ્તુ તવ સન્નિધૌ, તનુનવત્વમેતાવતા
ન દુર્લભ તમા રતિ-ર્મુરરિપૌ મુકુન્દ પ્રિયે ।
અતોસ્તુ તવ લાલના, સુરધુની પરં સંગમાત્
તવૈવ ભુવિ કીર્તિતા, ન તુ કદાપિ પુષ્ટિસ્થિતૈઃ ॥૭॥
સ્તુતિં તવ કરોતિ કઃ, કમલજાસપત્નિપ્રિયે
હરેર્યદનુસેવયા, ભવતિ સૌખ્ય મામોક્ષતઃ ।
ઇયં તવ કથાધિકા, સકલ ગોપિકા સંગમ -
સ્મરશ્રમજલાણુભિઃ, સકલ ગાત્રજૈઃ સંગમઃ ॥૮॥
તવાષ્ટક મિદં મુદા, પઠતિ સૂરસૂતે સદા
સમસ્તદુરિતક્ષયો, ભવતિ વૈ મુકુન્દે રતિઃ ।
તયા સકલસિદ્ધયો, મુરરિપુશ્ચ સંતુષ્યતિ
સ્વભાવવિજયો ભવેત્, વદતિ વલ્લભઃ શ્રીહરેઃ ॥૯॥
॥ ઇતિ શ્રીમદ્વલ્લભાચાર્યવિરચિતં શ્રીયમુનાષ્ટક સ્તોત્રં સંપૂર્ણમ્॥